هروب ...بقلم الأستاذ ابراهيم رمضان

هروب للشاعر ابراهيم رمضان

 ولأمته أهرب من نفسي

 وأدور علي شيء

 يشبه أحلامي البكر

 وأدور حوالين نفسي

 اكتر م اللازم

 زى قادوس بيلف في ساقية

 يسقي الزرع / الأرض العطشانة

 وهو محروم من بلة ريق

 لكنه بيدور ويلف

 ويدوخ

 والدوخه بتعمل منه .. شروخ

 واكمنه بيدور ويلف

 تيجي الميه وف الحال

 الجوف يجف

 وكأن الميه عليه بزف :

 احرينك يا قدوس

 يا مشعلق نفسك ف الساقيه

 تقدر تبعد وتقول :

 أنا مالي ومال الزرع

 إن شاله الزرع يموت

 وليه الساقية تطلع بيه .. وتنزل ؟!!

 وتعلقني
 بين الحيا والموت

 مش راح تقدر تنطق

 وقبل ما تنطق

 راح تستنطق ميه

 تسقي الزرع / الأرض العطشانة

 متحسش غير بالريق نشفان

 وكأنك في السجن

 ومستنظر حكم الإعدام